Brickos

Sot në Syriganë të Skenderajt rivarrosen Osman Osmani e Rexhep Rexhepi të vrarë dhe zhdukur 23 vite më parë nga forcat serbe

Sot në Syriganë të Skenderajt rivarrosen Osman Osmani e Rexhep Rexhepi të vrarë dhe zhdukur 23 vite më parë nga forcat serbe

Mbetjet mortore të Osman Osmanit dhe Rexhep Rexhepit, të identifikuar muaj më parë nga mostrat e dërguara për analizë, do të rivarrosen sot në Syriganë të Skënderajt, 23 vjet pas rrëmbimit dhe zhdukjes nga forcat policore dhe ushtarake serbe. Siç ka njoftuar Qeveria e Kosovës, rivarrimi, sipas kërkesës së familjes, do të bëhet sot, më 8 qershor në orën 16:00, që përkon me datën e rrëmbimit dhe zhdukjes. Mbetjet mortore të dy viktimave të luftës janë gjetur dhe zhvarrosur gjatë gërmimeve muaj më parë në Syriganë. Pos njoftimit për rivarrimin e Osmanit dhe Rexhepit, Qeveria ka njoftuar edhe për pesë identifikime të reja nga mostrat që janë dërguar nga institucionet e Kosovës, për të cilat ka thënë se janë njoftuar familjet e personave të identifikuar. Po ashtu është konfirmuar se mostrat nga mbetjet mortore të zhvarrosura gjatë këtij viti nga varreza masive në Kizhevak tanimë janë në laboratorët e Komisionit Ndërkombëtar për Persona të Zhdukur në procedurat për identifikim.

Kontrolloni gjithashtu

Në Gllogjan, shënohet e 26-vjetori i “Epopesë së Dukagjinit” dhe 25-vjetori i fillimit të sulmeve të NATO-s, kundër forcave serbe

Të dielën më 24 mars 2024, duke filluar nga ora 11.00 do të mbahen homazhe …