Ramiz Lladrovci

Vetëvendosja kërkon procedurë disiplinore për ta larguar Ramiz Lladrovcin nga Shërbimi i Jashtëm

Vetëvendosja  përmes një kumtese për medie  ka kritikuar  degradimin e Ministrisë së Punëve të Jashtme të Kosovës, ndërkohë që ka reaguar kundër postimeve të fundit ambasadorit të Kosovës në Shqipëri,  Ramiz Lladrovci. Lëvizja Vetëvendosje konsideron  se që nga shpallja e pavarësisë përfaqësimi i Republikës së Kosovës nga përfaqësuesit e deleguar në vende të ndryshme të botës Ministria e Punëve të Jashtme ka degraduar tej mase. Emërimi i personave për të përmbushur apetitet e militantëve partiakë pa respektuar as kërkesat minimale të paraqitura në Ligjin për Shërbimin e Jashtëm të Republikës së Kosovës ka bërë që misionet diplomatike të njihen vetëm për mungesë të profesionalizimit, për skandale të shumta dhe deklarata të dëmshme. Të emëruarit në misione diplomatike, thotë kumtesa VV-së , nuk kanë arritur ende të kuptojnë se cilat janë detyrat e tyre dhe se si duhet të sillen në zbatim të Ligjit për Shërbimin e Jashtëm siç shihet edhe nga deklarata e fundit e Ramiz Lladrovcit, i emëruar ambasador i Republikës së Kosovës në Republikën e Shqipërisë. Ambasadori ka lëshuar një deklaratë e cila, përveçse nuk paraqet qëndrim të Republikës së Kosovës, është deklaratë kundër një deputeti të opozitës, në tentim mbrojtje të bashkë-partiakut të tij, duke e shkelur edhe Deklaratën e Paanshmërisë.  Vetëvendosja ka ftuar Komisionin për Grada dhe Disiplinë, që sipas kompetencave të përshkruara në Nenin 12 të Rregullores, ta shqyrtojë këtë shkelje të rëndë dhe urgjentisht të fillojë procedurë disiplinore në mënyrë që sa më shpejtë të largohet Ramiz Lladrovci nga shërbimi i jashtëm.

Kontrolloni gjithashtu

Bedri Hamza është shprehet optimist se do ta fitojë garën për kryetar të Mitrovicës pa balotazh

Bedri Hamza shfaq dyshime lidhur me komunikimin e njërit prej organizatorëve të sulmit në veri të Kosovës me Mimoza Kusarin

Kryetari i Mitrovicës, Bedri Hamza, ka ngritur një zë kritik në lidhje me dialogun me …