MIT
Airport Adem Jashari
kek
Fillimi / Institucionet / Zv/ministrja Krasniqi merr pjesë në inaugurimin e fabrikës italiane “Arkos” në Parkun e Biznesit

Zv/ministrja Krasniqi merr pjesë në inaugurimin e fabrikës italiane “Arkos” në Parkun e Biznesit

Zëvendësministrja e Tregtisë dhe Industrisë, Arbëreshë Krasniqi, mori pjesë në hapjen e fabrikës italiane “Arkos”, në Parkun e Biznesit në Drenas. Ajo tha se hapja e kësaj fabrike është lajm i mirë për Kosovën, sepse po dëshmohet që Qeveria e Kosovës, konkretisht Ministria e Tregtisë dhe Industrisë është duke krijuar kushte për investitorët e huaj.

“Ne po punojmë shumë që të krijojmë kushte sa më të favorshme, që përmes Ligjit për Investime Strategjike e kemi bërë edhe më të lehtë investimin në Kosovë, sepse janë thjeshtëzuar procedurat dhe është shkurtuar koha deri te marrja e statusit te investitorit strategjik. Për MTI ka shume rëndësi nisja e kësaj fabrike sepse po ndikon ne zhvillimin ekonomik te Kosovës dhe hapjen e vendeve te reja te punës”, tha Krasniqi. Zëvendësministrja falënderoi shtetin italian për mbështetjen e Kosovës, para dhe pas luftës.

“Italia është njëri nga vendet që ka ndihmuar shumë Kosovën në konsolidimin e shtetësisë, dhe hapja e kësaj fabrike tregon se Italia vazhdon ta dëshmojë miqësinë me Kosovën edhe në aspektin ekonomik”.

Ajo tha se kushdo që sot e ka Kosovën në hartën e vet për të investuar, mund të llogarit në një treg që përfshin mbi 10 milionë banorë, sepse Kosova ka ndërtuar autostrada moderne që lidhet me shtetet fqinje. Krasniqi përmendi edhe rinin, që sipas saj, janë shumë inovative dhe e mësojnë punën shpejt.

“Kosova ka një rini shumë inovative, që mësojnë punën shumë shpejt, dhe flasin pothuajse të gjithë anglisht, që është përparësi”. Zëvendësministrja tha se ndërtimi i Zonave Ekonomike që është duke i bërë MTI-ja, dëshmon se po krijohen kushte për bizneset e huaja dhe vendore.

“Ministria e Tregtisë dhe Industrisë është duke krijuar kushte përmes infrastrukturës fizike, siç janë ndërtimi i Zonave Ekonomike, që është vendosur edhe kompania ‘Arkos’, dhe infrastrukturës ligjore, që tashmë është kompletuar me Ligjin për Investime Strategjike”, tha në fund të fjalës së saj, Zëvendësministrja e MTI-së, Arbëreshë Krasniqi.

 

Kontrolloni gjithashtu

Vitia  njofton opinionin publik për mbledhjen e –X- të rregullt të Komitetit për Politikë dhe Financa

Njoftohen qytetarët e Komunës së Vitisë se mbledhja e -X- e rregullt e Komiteti për ...