Ministri, Hekuran Murati, njofton se ka dërguar kallëzim penal lidhur me shpronësimet në rrugën Prishtinë – Pejë

Ministri i Financave, Punës dhe Transfereve, Hekuran Murati, ka  njoftuar se ka dërguar në Prokurorinë Speciale kallëzim penal lidhur me procesin e shpronësimeve për projektin e ndërtimit të rrugës nacionale Prishtinë – Pejë, përkatësisht segmentin Kijevë – Klinë – Zahaq, për të cilën raporti i auditimit ka gjetur një shpërputhje prej mbi 12 milionë eurove. Në këtë njoftim theksohet se bazuar në tabelat e Departamentit të Tatimit në Pronë, segmenti në fjalë është vlerësuar me shumën prej 31,040,729 euro. MFPT-ja ka njoftuar se në linjë me prioritetet e qeverisë, do të vazhdojë punën në mënyrë transparente e llogaridhënëse për të krijuar një sistem të qëndrueshëm e të besueshëm të menaxhimit të financave publike.